کور پاڼه / سیاسی خبرونه / عمران خان: پنجاب کې له پښتنو سره توپيري چلند د ترهګرو په ګټه دی

عمران خان: پنجاب کې له پښتنو سره توپيري چلند د ترهګرو په ګټه دی

د پاکستان د تحریک انصاف مشر عمران خان د دغه هېواد په پنجاب ایالت کې له پښتنو سره توپیري چلند وغانده.

عمران خان پر ټویټر پاڼه لیکلي، د پاکستان د امنیتي ځواکونو دغه کار د وسلوالو ډلو په ګټه تمامېږي: “د پښتنو په نښه کول کرکه پیدا کوي او دوی د ترهګرو لاسونو ته ور لوېږي”.

نوموړی زیاتوي: “زه په پنجاب کې د پښتنو د توکمیز پروفایل جوړېدل غندم”.

د عمران خان دا څرګندونې له هغه وروسته دي چې د پنجاب ایالت په لاهور ښار کې هم له پښتنو غوښتل شوي، چې له پولیسو سره ځانونه راجیسټر کړي.

بلې خواته د پنجاب ایالت په راولپنډۍ سیمه کې پولیسو هلته د اوسېدونکو قبایلي سیمو د وګړیو څارنه پېل کړې، چې وايي، همدوی هلته د ناامنۍ په پېښو کې لاس لرلی شي.

د ځينو پاکستانيو رسنیو په خبره د پينډۍ پولیسو پرېکړه کړې، چې هغه ټول وګړي چې له قبایلي سیمو راغلي او د راولپنډۍ په بېلابېلو سیمو کې اوسېږي، د نوي سستم له لارې به يې تګ راتګ او ورځنی ژوند څارل کېږي.

پر عمران خان سربېره نورو سیاسي مشرانو هم غبرګونونونه ښودلي.

په اړه dwahdat

دا هم اوګوره

فاریاب کې د واورې ورښت تر ۱۰۰ ډېر کسان وژلي

الصحيفة أو الجريدة (أو الجورنال سابقاً) هي مطبوعة لها إصدار يحتوي على مادة إعلامية بصياغة …

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *